ئــاگـاداری…!ئێران پێدانی ڤیزای گەشتیاری بۆ هاوڵاتیانی هەرێم و عێراق ڕادەگرێت.

بەپێ ی ڕاگەیاندراوێک لەلایەن کونسولگەری ئێران لە سلێمانی ، گەشتکردن بۆ کۆماری ئیسلامی ئێران ، سنوورداردەکرێت.
لەڕاگەیاندراوەکەی کونسولگەری ئێران دا هاتووە :

(( سه‌ركونسوڵگه‌ری كۆماری ئیسلامی ئێران له‌ سلێمانی ئاگاداری ته‌واوی خوازیارانی وه‌رگرتنی ڤیزای ئێران ده‌كاته‌وه‌ كه‌ له‌سه‌ر ڕێنمایی وه‌زاره‌تی ته‌ندروستی كۆماری ئیسلامی ئێران، به‌مه‌به‌ستی ڕێگری كردن له‌ بڵاوبوونه‌وه‌ی جۆری نوێی كۆرۆنا (ئۆمیكرۆن)، پێدانی ڤیزای گه‌شتیاری و زیاره‌تی له‌ ڕۆژی شه‌مه‌ به‌رواری 25ی كانونی یه‌كه‌می 2021 وه‌ بۆ ماوه‌ی دوو هه‌فته‌ راده‌گیرێت؛ به‌م هۆیه‌وه‌ گه‌شتی هاوڵاتیانی بیانی له‌ به‌رواری ئاماژه‌پێكراوه‌وه‌ بۆ ماوه‌ی 15 رۆژ ته‌نها بۆ ئه‌م گروپ و كه‌سانه‌ی خواره‌وه‌ ڕێگه‌پێدراو ده‌بێت:
1- ئه‌وانه‌ی مۆڵه‌تی مانه‌وه‌یان له‌ كۆماری ئیسلامی ئێران دا هه‌یه‌،
2- ئه‌وانه‌ی ڤیزای خوێندن (تحصیلی) یان هه‌یه‌. (خوێندكاری قوتابخانه‌ ئایینیه‌كان، خوێندكارانی زانكۆكانی كۆماری ئیسلامی ئێران).
3- ئه‌وانه‌ی ڤیزای جۆری ورود (بۆ بازرگانه‌كان).
4- ئه‌وانه‌ی ڤیزای مافی كاركردن یان هه‌یه‌.
5- ئه‌وانه‌ی ڤیزای جۆری ده‌رمان (نه‌خۆشی و IPD) یان هه‌یه‌.
6- ئه‌وانه‌ی ڤیزای وه‌به‌رهێنانیان هه‌یه‌.
7- ئه‌وانەی مۆری چوونه‌ده‌ره‌وه‌ و سه‌ردانی كردنی پۆلیسی كۆچ و پاسپۆرتیان هه‌یه‌.
هه‌روه‌ها ته‌واوی هاوڵاتیانی بیانی به‌مه‌به‌ستی گه‌شتكردن بۆ ئێران له‌ گشت سنوره‌ فه‌رمیه‌ خاكی، ده‌ریایی و ئاسمانیه‌كانه‌وه‌ پێویسته‌ كارتی ڤاكسین (كه‌ 15 رۆژ به‌سه‌ر ژه‌می دووه‌م دا تێپه‌ڕبووبێت) و هه‌روه‌ها پشكنینی كۆرۆنایان له‌ جۆری PCR به‌ نێگه‌تیڤ به‌ ماوه‌ی 96 كاتژمێر پێبێت.))
(ڕاگەیاندن و پەیوەندییەکان)